Даниел не ја однесе Македонија во финале, ова се првите 10 финалисти на Евровизија (видео)

Детали

среда, 20 мај 2015

Македонскиот евровизиски претставник Даниел Кајмакоски вечерва настапи со „Autumn Leaves” во првото полуфинале на 60-то издание на Евровизискиот фестивал, но Македонија не се пласираше меѓу десетте финалисти.

Првата полуфинална вечер се одржа пред десетилјадна публика во салата Штадхале во Виена, а телевизискиот пренос го следеа над 130 милиони гледачи во светот.

Од 16 полуфиналисти, 10 држави изборија пласман во финалето: Русија, Естонија, Грција, Белгија, Грузија, Албанија, Србија, Романија, Унгарија, Ерменија.

Претходно веќе гласаа членовите на националните жирија, а вчера, по настапите во живо гласаа и телевизиските гледачи, со што се комплетираа конечните поени од секоја земја учесничка.

Даниел имаше одличен настап, но очигледно повторно не беше доволно за да освои повеќе гласови и да ја внесе Македонија во финалето.

Даниел изјави: „Дадовме сè од себе на сцената и верувам дека емоцијата на “Autumn Leaves” допре до публиката. Многу ми значеше и поддршката на „Merj“ во изведбата. Им благодарам на сите фанови во Европа кои гласаа за нас. Учеството на Евровизија е едно големо искуство за мене, секоја чест за организацијата на фестивалот и се надевам дека најдобрата песна ќе победи“.

Второто полуфинале ќе се одржи во четврток, а финалната вечер на „Песна на Евровизија“ во сабота, 23. мај.

Ова се 10-те избрани песни и земји од првата полуфинална вечер:

1. Ерменија

2. Белгија

3. Грција

4. Србија

5. Естонија

Уште 5 избрани песни на следната страница...