Сите скандали на српскиот избор за Евросонг: Реквизит падна врз пејач, водител си даде отказ во знак на револт

Детали

четврток, 27 февруари 2025

Настап со скршена нога, фаворити кои не поминаа во финале, реквизит кој падна врз пејачот неколку секунди пред неговиот настап во живо - српскиот избор на Песна за Евровизија, на кој беше и екипа од CRNOBELO.com, и годинава не помина без скандали.

На 25 и 26 февруари во Белград се одржа српскиот избор на Песна за Евровизија (ПЗЕ), на кој беше и екипа на CRNOBELO.com.

Во двете полуфинални вечери настапија 30 изведувачи, а 16 од нив се пласираа во финалето што ќе се одржи утре (28.02) и во кое ќе биде избран претставникот на Србија за Евросонг.

На сцената и зад неа, беше забавно како и во минатите години, иако општиот впечаток е дека овој пат песните се послаби од претходните.

Но, ПЗЕ ни сега не помина без скандали, а имаше неколку:

Првото изненадување беше откажувањето на водителот Славен Дошло, неколку дена пред почетокот на фестивалот, а во знак на револт.

Тој на Инстаграм напиша дека ја одбил поканата на РТС да биде водител како и лани.

„Со моменталните општествени околности, не гледам можност да ја вршам својата работа на домаќин со полн интегритет, ниту да застанам зад себе или зад самиот настан на начин кој сметам дека е исправен“ - напиша Славен, кој веќе некое време е дел од студентските протести во земјата.

Појавувањето на бендот „Harem Girls“ составен од дрег кралици ја подели јавноста, а многумина ги критикуваа организаторите што им дозволиле „на мажи во шминка“ да излезат на сцената.

Меѓу оние кои се најгласни против настапот на „Harem Girls“ е пејачката Маја Николиќ.

Таа настапи во второто полуфинале, со скршена нога и во гипс, но не влезе во финалето.

Продолжува на следната страница...