10 емотивни моменти од Златна Бубамара '25: Ѕвездено небо за Калиопи, Дарио ѝ се поклони на публиката

Детали

четврток, 20 февруари 2025

28-то издание на Златна Бубамара го одбележаа бројни емотивни моменти – од ѕвезденото небо на Калиопи и стоечките овации за Сузана Спасовска, до пејачот Казухиро Котецу кој дојде дури од Јапонија за манифестацијата.

Синоќа (19.02) во арена „Борис Трајковски“ во Скопје се одржа најпознатата манифестација во Македонија – Златна Бубамара.

На 28-то издание на настанот, традиционално беа почестени најдобрите од најдобрите на македонската културна сцена.

Малку смеа, малку солзи, малку музика, како и секоја година, настанот го одбележаа бројни забавни и емотивни моменти.

Најемотивните моменти на Златна Бубамара 2025:

Перо Христов дојде специјално од САД за да ја прими наградата за животно дело, а додека го држеше говорот, делуваше како да пробува да ги додржи солзите.

На сцената застана и Дарио кој доби награда за трајни музички вредности и во својот говор најмногу ѝ се заблагодари на својата публика, а на крај и им се поклони на сите присутни во арената.

Игор Џамбазов со многу емоции ја изрецитира „Тешкото“ и доби стоечки овации.

Додека Сузана Спасовска беше на сцена, на видеобимот беше пуштен инсерт од нејзин стар концерт со починатата Васка Илиева, каде Сузана ѝ вели дека ќе ја негува и чува македонската музика – ветување што дефинитивно си го исполни.

Сузана доби и стоечки овации за емотивната изведба на „Судбо моја“.

Продолжува на следната страница...