Родена во Мароко, живее во Париз – Откријте повеќе за животот на инспиративната пејачка Хинди Зара

Родена во јужен дел на Мароко, еманципираната и космополитски настроена Хинди Зара, живее номадски живот. Пејачката и текстописец со слободен дух своето животно искуство го преточува во музика. 

Поради својот квалитет, често е споредувана со Били Холидејс, Џенис Џоплин и Пети Смит. Во 2010 година го издава својот прв соло албум „Handmade“, заедно со синглот „Beautiful Tango“, а неколку години подоцна го издава и вториот албум, насловен „Homeland“.

Во продолжение следува листа со факти поврзани со животот на Хинди Зара.

- Иако е родена во Мароко, денеска Хинди Зара живее во Париз.

- Роднините на Хинди Зара се музичари кои ја создале мароканската психоделична сцена.

- Уште како дете, Хинди секојдневно била на пат со нејзините родители и доаѓала во контакт со спектарот на мароканската музика. 

- Нејзините идоли: Ела Фицџерал и египетската дива Оум Калтум.

- На почетокот свирела како уличен уметник покрај реката Сена.

- Хинди Зара се залага музиката од својата родна земја да ја искачи на едно повисоко ниво, да воведе нови инструменти, особено пијано и електрична гитара и да создаде хармоничен спој од разновидни инструменти.

- Британското списание „Wire“ песната „Beautiful Tango“ ја издвојува како една од најдобрите од албумот „Handmade“.

Секогаш инспиративната Хинди Зара пристигнува ова лето на Д Фестивал. Пејачката која ги спојува мароканската и париската сцена, на 14-ти јули ќе одекне во живо на главната сцена на Д Фестивал.

Покрај неа ќе настапат и други музички ѕвезди како Mahmut Orhan, Ofenbach, Tom Novy, Akua Naru, Napalm Death, Кирил Џајковски, Влатко Стефановски, Суперхикс, Страјк, Vojko V, Captain Hook и уште многу други кои ќе настапат од 12-ти до 14-ти јули во Дојран.

Автор: Е. Х. | Црнобело