Најубавата глетка во Скопје: Новогодишно украсени автомобили „Буба“ го разубавија градот (фото)

Вљубениците во овој модел на автомобил ги накитија своите „Буби“ и прошетаа низ Скопје. И мора да признаеме – го разубавија градот. Приредија вистинска празнична магија!

„Буба“ е еден од најпознатите автомобили во светот и автомобил кој има посебен шарм, а во Македонија има многу вљубеници во него, од кои голем дел членуваат во друштвото „Буба Клуб Македонија“.

Во претпразничниот период тие ги накитија своите „Буби“ и продефилираа низ Скопје. И мора да признаеме – го разубавија.

Објавата на нивниот Фејсбук профил гласи:

„Буба Клуб Македонија го организираше 4-то по ред, веќе традиционално, новогодишно дефиле и дружба со членовите на клубот во ресторан во центарот на Скопје.

Благодарност до Град Скопје од каде ни овозможија да ги паркираме и изложиме возилата веднаш до плоштадот Македонија и благодарност до Дарко од Собири.мк (место за вљубеници во автомобилизам) за фотографиите и видео снимките прикачени во прилог.

Нашите граѓани имаа можност да се сликаат покрај накитени автомобили, кои ги развеселија и придонесоа за разубавување на новогодишната атмосфера.“

https://www.facebook.com/bubaklubmkd/posts/pfbid0384B2sd7b4apXqiSktLN12WfxJujdAYPZYbUdXRsmzqTgHQfK4x3iW5s6PpH91RPnl

С. С. | Црнобело / фото: Дарко - собири.мк