Carpuccino - автомобил на кафе

Британците, во саботата, го претставија „Carpuccino“ - автомобил кој на место класично гориво користи кафе. Го преработиле...

 

...Volkswagen Scirocco од 1988 година, кој го купиле за 445 евра.

Трошоците се од 25 до 50 пати поголеми од обичното гориво. Проценето е дека  „Carpuccino“ може да вози околу 5 километри со 1 килограм кафе.

„Carpuccino“ ќе вози од Лондон до Манчестер, на пат во должина од 337 километри. Автомобилот ќе биде изложен на саемот BigBang во Манчестер и целта е да се покаже дека возилата можат да се движат и на други горива освен со бензин.

Во текот на возењето ќе мора да направи „пауза за кафе“ на секои 48 километри, а на секои 96 километри ќе мора да ги чисти филтрите за кафе.

Патувањето до Манчестер ќе трае 10 часа, а креаторот на автомобилот ќе треба да плати царина за потрошеното кафе. Не е важно каков вид кафе ќе се користи, важно е да биде суво и во зрна.