Росана Петревска – деловна жена и префинета модна дама, чија страст се чевлите и чантите (фото)

Детали

четврток, 29 јуни 2023

„Уживам во шопингот, како кај нас така и надвор. Последна дестинација ми беше Рим – градот кој ме воодушеви. Најдрагоцениот совет во животот го добив од мојата баба Бранислава која ме напушти и не успеа да ги види моите успеси, а ми велеше: „Росана и кога ќе паднеш, ќе станеш и никогаш да не зависиш од маж!“...“, споделува Росана Петревска за CRNOBELO.com.

Росана Петревска, магистер по: Магистер по комуникациски науки – односи со јавност и докторант по: Докторант по организационен менаџмент, е бизнис жена која одлично се етаблираше во светот на комуникациските науки, но и привлекува внимание со својот негуван изглед, а и префинет моден стил.

Во CRNOBELO.com таа говори за модниот бизнис, позицијата на жената во деловниот свет, како и работите кои ја радуваат на приватен план:

Важите за една од најстилските дами во земјава од почетоците на вашата кариера, па сè до денес. Колку е „тешко“ да го одржите стилот и добриот изглед со оглед на сè побрзото секојдневие на жените?

Ви благодарам многу за таа констатација. Нескромно, но со 15-годишното искуство во областа на односите со јавноста, дипломатскиот протокол, надоградувањето како магистер, а сега како докторантка, не си дозволувам со толку голема инвестиција во себе, да направам грешка.

Жалам што многумина не ја толкуваат науката за тоа како се перципирани, каков имиџ градат, многу вредности се изместени и многу ми е жал што младите генерации немаат пример или соодветно образование каде може да научат како треба да се претстават себеси. Првенствено за себе, па потоа и за јавноста.

За мене многу е важно и многу говори како вие изгледате и како вие говорите, вербално, невербално затоа што сето тоа само ми овозможува правилно да ги кодирам пораките кои свесно или можеби несвесно се испраќаат.

Мојата мисија како професионалец е да наметнам висок и префинет вкус на умереност, но со доза на женственост и секогаш да бидам лидер како во професијата така и во модата.

Недозволиво е лице за односи со јавност да нема имиџ и свој печат на строго професионален и висок критериум за мода и наметнување на модниот тренд во деловниот свет.

Кои се предизвиците со кои се соочуваат бизнис дамите денес? Како да се постави баланс помеѓу успешна кариера и приватниот живот, грижата за децата?

Јас лично од 2018 година се соочувам со многу тешки животни предизвици (пат со трње кој не секој го изодувал), но за среќа јас и покрај сè, успеав да се качам и позиционирам таму каде што сакам.

Работам макотрпно, учам, се надградувам, секако е тешко, ама најважната лекција ми е: „Во знаењето е моќта! Може сè да ми земат, но знаењето никогаш!“

Балансот воопшто не ми бил проблем затоа што како самохран родител својот живот го посветив на ќерка ми и на работата. Само трпението, истрајноста те носат до раскрсницата каде или ќе одиш кон врвот или удолу.

Јас сум прегорда мајка, се посветив на мајчинството и се гордеам на ќерка ми која реди успеси и на регионални и на државни натпревари и полека го трасираме патот кон омилената дестинација на Лара – медицината.

Секогаш и себеси и на ќерка ми ѝ велам, никогаш не се задоволувај со малку, верувај во Бог, дај максимална сила, учи и патот сам те води, низ многу пречки, ама животот е борба.

Нема поголема среќа од љубовта кон сопственото дете. Мојот живот и мојот крвоток е таа мала срна која сега станува девојка и која секојдневно ми создава чувство на гордост.

Кои се моментите со кои особено се гордеете кога е во прашање вашата кариера?

Односите со јавноста се многу повеќе од истражувања на пазар и следење на конкуренција.

Лично мене најдрага награда ми се проектите и наградата од светски ранг која ми беше доделена.

Искрено, тоа ме прави горда и затоа докторските студии можеби не значат ништо, но за мене се само мотив да докажам дека ако сакаш да бидеш лидер во фелата, треба да бидеш по сите стандарди.

Сметате ли дека жените се на заслуженото место во бизнис-секторот? Во смисла, последните статистики покажаа дека во ИТ секторот, сè уште сериозно доминираат мажите…

Апсолутно Не! Првиот пример сум јас.

Не сакам полова дискриминација и нееднаквост, ги поддржувам моќните, самоуверени жени кои знаат што прават. Треба да бидете сериозно цврст карактер, за да успеете во машкиот свет без афери и без рушење на својот авторитет.

За да се позиционираш треба да знаеш: чесните, искрените и искрените, потенцирам, намери може само да ти помогнат кон успехот.

Сè уште ценам дека допрва доаѓаат моите 5 минути, во најпродуктивните години сум и целосно можам да се посветам на работата и да му помогнам на општеството.

Но, тоа треба и некој да го препознае.

Продолжува на следната страница...