Скршеното огледало носи 7 години несреќа - Симболиката и мистиката зад бројот 7

Од почетокот на времето, бројот 7 зазема специјално место во голем дел од цивилизациите. Доживуван како магичен, број кој е синоним за совршенство, безбедност, заштита и одмор, бројот 7 истовремено интригира и фасцинира.

Зошто е тоа така? Што точно симболизира овој број?

Секојдневно, без да забележиме ние сме во контакт со бројот 7: има 7 денови во неделата и 7 бои во виножитото.

Бројката сама по себе е многу силен симбол. Во многу култури се смета за благотворна и заштитна. Многумина сметаат дека бројот 7 е свет број и дека во себе носи нешто спиритуално и вечно.

Бројот 7 во нумерологијата

Се смета за свет, односно духовен број и се однесува конкретно на мудроста.

Бројот 7 во астрологијата

И во Универзумот, бројот 7 има прилично моќно значење. Тој кореспондира со бројот на планетите и металите кои се поврзани со нив:

• Марс и железо
• Венера и бакар
• Сатурн и олово
• Јупитер и калај
• Меркур и жива
• Месечина и сребро
• Сонце и злато

Бројот 7 во религијата

Мистичниот број може да се најде во многу духовни и религиозни книги како библијата, тората и кабалата.

Ова се само неколку примери: 7 смртни гревови и 7 католички причести, 7 дена потребни за да се создаде светот според библијата, 7 чакри во хиндуизмот.

Токму поради тоа, бројот 7 се поврзува со божествена совршеност.

Бројот 7 низ напредокот на цивилизацијата

Враќајќи се наназад во древниот Египет, многу религиозни објекти биле изградени врз основа на пропорцијата поврзана со следниве броеви:

Бројот 3: симбол на тројство и рамнотежа кои им се даваат на духовното, па дури и божественото.

Бројот 4: симбол на материјалниот и земниот свет.

Бројот 7: резултат на претходните две бројки, го наоѓа своето место помеѓу двата света, т.е. светот на животот и светот на смртта. 7 симболизира комплетност и го означува аспектот на добро завршените работи.

Да не ги заборавиме и 7-те светски чуда на Античкиот свет.

Очигледно бројот 7 потсвесно си го нашол местото и во многубројните приказни бајки за деца, како Снежана и седумте џуџиња.

Суеверија поврзани со бројот 7

Бројката се поврзува и со многубројни чудни верувања кои прераснале во суеверија. На пример, кршењето на огледало предвидува 7 години лоша среќа.

Но, во најголем дел од времето, бројот 7 се смета за среќен знак во суеверијата и носи добра карма.

(О)Милена | Црнобело