Откриени триковите на џепчиите: Како да се заштитите од кражби?

Џепчиите, односно оние кои крадат од џебови или чанти, не се само улични професионалци, туку и многу паметни психолози (барем дел од нив).

Некои од нив имаат толку големо знаење во нивната област, што дури и ги канат да учествуваат во истражувања за проучување на човечката свест.

Тие се толку умешни во нивниот „бизнис“ што речиси никој не може да забележи што прават, ниту пак да се посомнева во кражба.

Сигурно многу често сте предупредени да внимавате на кражбите кога одите на патување, бидејќи туристите им се омилени жртви на џепчиите.

Но, за во иднина да бидете повнимателни, прочитајте ги најчестите трикови со кои тие се служат и не дозволувајте да ве измамат:

Класична кражба – туркање на улица

Еден од крадците случајно ќе ја турне жртвата, а друг „случаен минувач“ го зема паричникот од чантата на жртвата или џебот. Понекогаш двајцата крадци глумат дека се расправаат во јавност за да им го одвлечат вниманието на другите.

Трик со слушалки

Луѓето кои носат слушалки се најлесна цел бидејќи тие целосно се дефокусирани и не гледаат што се случува во околината заради музиката. Најлесно е да им се украде телефонот, така што полека ќе ги откачат слушалките и ќе го земат.

Жртвата прво ќе помисли дека музиката веќе не свири заради слушалките, па дури потоа ќе сфати што се случило, а дотогаш крадецот исчезнал.

Храбри измамници во јавен превоз

За време на најголемата гужва во големите градови, ако сте последен човек што ќе влезе во јавниот превоз и стоите до вратата, држете ги цврсто вашите работи.

Има типови на крадци кои трчаат покрај вратите секунда пред да се затворат и земаат што ќе фатат од вашите раце. Пред да сфатите што се случува, вратите ќе се затворат.

Ако некој ве турне и застане на вашето место, никогаш не му го вртете грбот! Тоа е целта – ќе се завртите кон другите, а вашата чанта ќе му биде на дофат. Во исто време, крадецот може да изгледа целосно невино пред другите, бидејќи може да гледа во телефон и да краде.

Трикови во ресторан

Ако го закачите палтото на стол, тоа е како да ги молите нечесните луѓе да ве ограбат. Сѐ што треба да направат е да ви го одвлечат вниманието. На пример, да изглумат кавга на другата маса и додека вие уживате во шоуто некој да ви ги украде работите.

Ако го оставите палтото во јавен гардеробер, оној кои ги чува сите палта може да ви ги испразни џебовите, преправајќи се дека палтото е негово и бара нешто во џебовите.

Ако видите група на луѓе што ќе влезат заедно, па ќе се разделат, ќе седнат одвоено и зборуваат на телефон, бидете сигурни дека си бараат жртва.

Трикови со мапа

Во градовите кога има гужва од туристи, се наоѓаат и крадци кои се преправаат дека се исто така туристи. Тие ќе ви покажат мапа и ќе побараат да им покажете каде се наоѓа некоја локација.

А, додека вие искрено се обидувате да објасните, лажниот турист ќе пробуричка во вашата чанта или џеб, секако професионално и без да почувствувате. Ако се обидуваат да ви ја донесат мапата поблиску до лицето, тие се сомнителни.

Метод на потурање

Ова најчесто се случува во близина на банкоматите. Крадецот ќе истури „случајно“ пијалак или сладолед на жртвата која тукушто извадила пари.

Потоа тој се извинува од срце, се обидува да помогне жртвата да се исчисти, а во меѓувреме ги „чисти“ и џебовите незабележливо.

Деца кои бараат помош или просат

Деца во помала група влегуваат во ресторан или кафуле и сите изгледаат на гладни бездомници  кои бараат помош.

Додека вие ги жалите кутрите дечиња и барате нешто ситно да им дадете, некој поискусен од нив ќе собере сѐ што ќе најде на масата.

Продавање

Дали некогаш ви пришол бездомник кој се обидува да ви продаде цвеќе или марамчиња за смешна цена? Не ги купувајте дури и ако ве молат, се обидуваат да ве прегрнат или да се ракуваат.

Тоа е трик за да ви го одвлечат вниманието и да ви го земат часовникот од рака или да ги испразнат џебовите.

Хуманитарни акции

Одвреме-навреме има луѓе кои шетаат по ресторани или доаѓаат од врата на врата и се обидуваат да соберат средства за лекување или сакаат да потпишете некоја петиција.

Додека вие читате или се потпишувате, тие ќе земат сѐ што можат во ваша близина.

Пијани и ранливи

Овој метод обично функционира на луѓето кои пијат во баровите, односно не се способни да размислуваат трезно и свесно.

Случаен човек може да дојде и да се обложи дека може да ја погоди тежината само со кревање во раце на жртвата. Додека ја држи жртвата во раце, крадецот ќе ги украде од џеб телефонот или паричникот. Сигурно никој пијан нема да се посомнева.

Персонал за услуги во хотели

Трикот обично функционира на постари луѓе кои не се многу подвижни – крадецот се нуди да им помогне со багажот и да го однесе до собата, ги зема и оди побрзо по скалите, проверувајќи ги чантата и паричникот по пат.

Замка во маркети

Ако сте од оние кои сакаат да си ја стават чантата во количката за пазарување, можете да наседнете на трикот многу едноставно. Овие крадци може да ви пријдат и да ви побараат помош со некој производ кој не можат да го дофатат.

Додека вие се фокусирате да помогнете, тој ќе пробуричка во чантата и ќе собере што може. Најверојатно вие ќе забележите дури кога ќе треба да платите.

М. М. | Црнобело