15 најголеми нешта коишто ги создала природата (фото)

Имало време во кое земјата била покриена со суштества многу поголеми од нас и тие биле вистински прaисториски џинови. Но, дури и денес природата може да нè изненади со своите гиганстки креации.

Погледнете зошто природата ја нарекуваат креатор на најголемите чуда во светот:

Дрвото Секвоја

Секвоја дрвјата се најголемите живи организми на платетава, според својата зафатнина. Тие може да пораснат до 84 метри височина и 8 метри во дијаметар.

Амфикоелиа

Овој диносаурус е најголемото суштество коешто некогаш живеело на земјата. Овие тревопасни диносауруси живееле пред околу 145-161 милиони години. Тие можеле да пораснат до 58 метри во должина и еден пршлен од рбетот бил околу 2,5 метри голем.

Титанобоа

Титанобоата е близок роднина на змијата боа, но е многу поголема. Овој вид на боа живеел пред околу 58-61 милиони години и можел да достигне должина од 13 метри. Најголемата змија којашто денеска постои во природата е питонот со максимална должина од 7,5 метри.

Џекфрут

Ова е најголемото овошје коешто расте на дрво во светот. Потекнува од фамилијата на дрва како што се смоквата, дудинката и лебното дрво, а неговиот плод може да достигне до 90 см во должина, 50 см во дијаметар и до 36 кг тежина.

Аргентавис

Најголемата птица која што некогаш живеела на лицето на земјата пред 5-8 милиони години имала распон на крилјата од скоро 7 метри и се хранела со глодачи.

Рајската пештера

Оваа пештера е една од пештерите во националниот парк Понг На-Ке Банг во Виетнам и е прогласена за најголема и најубава пештера во светот. Најголемата комора е повеќе од 5 км долга, 200 метри висока и 150 метри широка.

Рафлезија

Најголемиот цвет на светот може да достигне дијаметар од 100 сантиметри и покрај неговата големина познат е и по мирисот на расипано месо кога цвета.

Џиновски елен

Овој елен се појавил пред околу 2 милиони години на земјата. Кога почнале шумите да се шират низ големите рамнини овој вид на елени изумрел, бидејќи му сметале огромните рогови кои биле преку 5 метра широки и оневозможувале лесно движење низ гранките.

Огромната габа

Armillaria ostoyae е еден од најголемите живи организми на земјата и покрива 8,4 квадратни километри во Малер Националниот парк во Орегон и е во најголем дел скриена под земја.

Меростоми

Ова се најголемите познати артроподи во историјата на земјата. Тие можеле да пораснат и до 2,5 метри должина и живееле пред 248-510 милиони години.

Големиот корален гребен

Ова е најголемата светска структура изградена од живи организми. Се наоѓа во Коралното море и се протега 2300 километри на површина од преку 344,400 квадратни километри.

Џиновска кратконоса мечка

Кога оваа мечка ќе се исправела на задните нозе можела да достигне 4,5 метри висина. Со своите силни вилици била едно од најголемите месојадни животни коешто живеело на земјата во периодот на леденото доба. Овие мечки изумреле пред околу 14.000 години.

Гигантопитекус

Најголемиот мајмун којшто некогаш постоел, живеел пред околу 1 милион години. Се верува дека бил висок околу 4 метри и тежел 550 килограми и воглавно се хранел со бамбус.

Квецалкоатлус

Овој птеродактил живеел пред 66-68 милиони години и бил најголемото летачко суштество во историјата на земјиното постоење. Распоното на крилјата му бил 15-15 метри, а се хранел со мрша и мали рбетници.

Синиот кит

Синиот кит е најголемото животно коешто денес постои на планетата земја и истовремено е и најголемиот цицач во земјината историја. Тој може да достигне до 33 метри во должина и 150 тони тежина.

До 1960 години поголемиот број на сини китови биле речиси целосно истребени и преостанати биле само 5.000 единки. Денес се верува дека нема повеќе од 10.000 сини китови во океаните.

(О)Милена | Црнобело