Најголемите пронајдоци кои се „родени“ во Австрија

Австија е позната по многу нешта: моцарт-чоколатцата, Виенски валцер, „бечката“ шницла, но постојат и многу други производи кои имаат потекло од Австија, но се малку познати по таа своја особина.

Во продолжение прочитајте кои производи, пронајдоци и креации имаат австриско потекло и како истите започнале да постојат:

Снежен глобус

Овие џебни макети, спакувани во магична зимска идила, во форма на топки, може да се најдат во речиси секоја продавница за подароци во светот. Легендата вели дека пронаоѓачот, г-дин Перзи I (Првиот), првично не сакал да направи сувенири, туку, всушност, се обидел да го подобри квалитетот на неодамна измислената сијалица.

Благодарејќи на неуспешноста на неговата иницијална идеја, овие сувенири со тек на времето станале едни од најпродаваните подароци во светот. По реализацијата на потенцијалот на неговиот случајен пронајдок, тој ја основал својата компанија „Original Vienna Snow Globes“, а масовното производство започнало во 1905 година.

Музејот на снежниот глобус во Виена, кој го води семејството Перси, ја слави историјата и успехот на оваа светска креација.

Забавена снимка („Slow-motion“)

Забавеното движење е од суштинско значење за подобрување на неизвесноста во акционите филмови и за снимање на деталите во најдобрите спортски моменти. Август Музгер е австриски свештеник и физичар којшто е одговорен за овој пронајдок.

Музгер е роден во градот Стирија, Австрија и продолжил да учи математика и физика во Грац. Заморен во треперењето на примитивните филмови, Музгер пронајде начин да го подобри нивниот квалитет и така го пронајде забавеното движење.

Денес, тоа е една од најчесто користените кинематографски техники, употребена во многу познати сцени.

ПЕЗ Бонбони („PEZ“)

Секој којшто е роден пред или во текот на 90-тите години од минатиот век се сеќава на пуцкање на малите бонбончиња познати како пез-бонбони. Спакувани во минијатурни амбалажи со цртан лик на врвот, овие бонбони беа огромен хит, а австрискиот Едуард Хаас III (Трети) е одговорен за нивното создавање.

Името потекнува од германскиот јазик за пеперминт-„Pfefferminz“ или скратено „PEZ".

Психоанализа

Зигмунд Фројд е еден од најпознатите жители на Виена, а неговата теорија за психоанализа стана витална во обидот да се откријат тајните на човечката психа.

Теоријата на Фројд главно се фокусира на идејата за свесните и несвесните умови, за коишто тој верува дека се основа за објаснување на сложеноста на човечкото однесување.

Посетителите на Виена можат да дознаат повеќе за животот и работата на меѓународно познатиот невролог во Музејот на Зигмунд Фројд - поранешниот канцелариски и семеен дом кој е зачуван како споменик на големиот човек и неговите идеи.

С. У. | Црнобело