Дали сте сапиосексуалец?

Постојано се појавуваат нови трендови и анти-трендови на типови и стилови според кои се делат луѓето.

Додека некогаш беа актуелни метросексуалците како мажи кои премногу се грижат за себе, спротивно на нив станаа актуелни мажите кои се позапуштени со долги коси, бради и едноставно облечени.

Сега стануваат актуелни сапиосексуалците кои пропагираат за тоа дека не е важна формата, туку содржината. Всушност, тоа се луѓе на кои не им е важна физичката, туку интелектуалната привлечност.

„Сапиосексуалци е нов збор кој ја означува привлечноста на интелигенцијата. Тоа е оној момент кога личноста одеднаш сфаќа дека интелигентниот соговорник и сексуално ја привлекува,“ објаснуваат стручњаците.

Без разлика како некој изгледа, тие нема да почувствуваат привлечност доколку не сте на исто интелигентно ниво, немаат слични интереси и смисла за хумор. Мозокот е она што освојува, интелигенцијата е она што привлекува и возбудува, пред згодното тело и убавото лице.

Дали вие се сметате за сапиосексуалец?