Зошто мора да престанете да носите апостолки?

Во летните месеци многу девојки, па и момци одбираат да носат апостолки, поради тоа што им се лесни, удобни и практични.

Но, многу ортопеди и други стручни лица тврдат дека тоа се најлошите обувки што постојат и веднаш треба да престанете да ги носите.

Според едно практично спроведено истражување, преку набљудување се покажало дека носењето чевли на потпетици за три години ги оштетуваат зглобовите.

Но, и оние кои постојано носат рамни чевли се соочуваат со проблеми.

Докторот Тарик Кан од Универзитетската болница во Лондон, тврди дека апостолките се најопасен вид обувки бидејќи во ниеден дел на ја поддржуваат ногата.

Кога носите рамни чевли или апостолки мора со прстите да ја фаќате подлогата што создава притисок и на прстите и на зглобовите.

Од друга страна, ако обувките немаат потпетица, се растегнува тетивата од Ахиловата пета до прстите што доведува до воспаление.

Од овие предиспозиции може да настанат и многу посериозни проблеми кои ќе ги почувствувате во подоцнежните години.

Затоа, најдобро би било целосно да ги исфрлите апостолките од употреба или барем да не ги носите постојано, во текот на целиот ден.