9-годишно девојче со големо срце: Сама гради куќи и одгледува зеленчук за бездомниците

Хајли Форт кога имала само 5 години додека шетала со нејзината мајка низ Вашингтон, забележала многу бездомници за кои ѝ било жал.

Ја прашала мајка си дали ќе им помогне ако им купи сендвич. Но, тоа не го решавало целосно нивниот проблем.

Почнала да размислува за тоа колку е тажно што некои луѓе живеат на улица без покрив над главата.

Така, дошла до идеја да почне да прави дрвени куќички во кои ќе се засолнуваат бездомниците. Веќе има направено 12 куќички, а почнала да одгледува и овошје и зеленчук за да се прехрануваат, па очекува да собере околу 113 kg плодови.

Инаку куќичките ги изработува од дрвени палети, рециклирани материјали и им става прозорци и тркалца за да може да бидат подвижни каде што има потреба.

Една куќичка ја чини $300 долари, бидејќи сè купува на попуст, а има и сметка за донации од луѓето кои сакаат да помогнат.

Во работата ѝ помагаат родителите, но најчесто работи сама. Таа е пример за тоа како со добрата волја и искрената желба за да се помогне и едно мало девојче може да направи толку големо дело.

• 
• 
• 
• 
• 
• 
• 
• 
• 
• 
•