Животна приказна: Милионерот кој живее во Фолксваген комбе од 1978 година

Платите на професионалните спортисти се толку високи, што не е реткост да ги гледаме како возат скапи, луксузни и спортски варијанти на престижните автомобилските брендови. Но, помеѓу нив има и онакви кои покрај милионите не се откажуваат од омилениот начин на живот.

Даниел Норис е еден од спортистите кои спаѓаат во втората категорија. Ова 22-годишно момче е професионален бејзбол играч, а во професионалните кругови се смета за еден од најталентираните.

Талентот му бил наплатен со бонус од 2 милиони долари, но наместо да купи пространа вила со базен и лускузен автомобил, овој скромен дечко решил да живее како и пред оваа исплата - во Фолксваген комбе од 1978 година.

„Ги сакам соиграчите и семејството, но не сум тип на човек кој сака да биде со многу луѓе. Сакам да мислам, сакам да бидам сам со мислите. Кога сум под ведро небо во моето жолто комбе се поврзувам со самиот себе. Смирувачки е,“ вели Даниел.

Тој е прилично популарен на социјалните мрежи и заради својата уникатна животна приказна, но и заради изгледот.

 

• 
• 
• 
• 
• 
• 
• 
• 
•