Зошто постојано ви студи, дури и кога е топло?

Доколку сте едни од оние на кои постојано им студи, дури и кога е топло, не плашете се бидејќи немате проблем - сето тоа е поради неколку одлики на вашето тело.

 Човечкото тело има просечна температура од 37 степени која може да варира под дејство на хормоните, докажуваат светските испитувања.

Исто така докажано е дека доколку сте жена сигурно е да ви студи почесто околку ако сте маж, како и доколку сте постари, ќе ви студи повеќе, отколку ако сте помлади.

Тоа е така бидејќи мажите имаат поголема мускулна маса од жените, а жените имаат повеќе масти.

Додека пак во случајот со староста, помладите лица имаат подобра циркулација од постарите.

Жените исто така може да имаат пониска температура на телото од мажите поради менструалниот циклус, која се намалува откако циклусот ќе заврши.

Интересно е тоа што на слабите луѓе повеќе им студи отколку на оние пополните, бидејќи вторите имаат повеќе масно ткиво, иако всушност под ткивото температурата им е пониска од на оние слабите.

Што се однесува пак на пушачите и тие имаат пониска температура од непушачите, а исто така и луѓето кои не се физички активни поради тоа што не го загреваат телото често како оние што вежбаат.

Уште еден интересен факт е дека се зависи од нашата психа, доколку си мислиме дека ни студи - навистина ќе ни студи и обратно.

Ви се верува?