Внука која вреди злато: Ја израдува својата баба во болнички кревет

Откако имала операција на мозокот и сè уште закрепнувала бабата Шерон не можела да присуствува на церемонијата за доделување на дипломите на нејзината внука Тејлор.

Затоа од колеџот на Тејлор направиле сè за да ѝ обезбедат да може да го гледа преносот преку интернет и да ја види својата миленичка.

Додека ја следела целата свеченост ги видела сите како си ја земаат дипломата, но кога стигнува на ред Тејлор, најавуваат дека таа не е присутна на доделувањето затоа што има специјално изненадување за една посебна личност во нејзиниот живот и во истиот момент ќе влезе во нејзината соба.

Облечена во свечена тога таа влегува во болничката соба на нејзината баба, а сето тоа се снима. Радоста и среќата на бабата во тој момент не може да се спореди со ништо поголемо.

Нема поубаво изненадување кое може да се добие дури и во најтешките моменти од животот.