Фенг шуи: Топ 5 бои за среќа и успех во 2015

Во светот одамна владее верување дека со носење на одредени бои привлекувате среќа и успех. Интересно е што тие бои секоја година се менуваат, барем според кинеската традиција.

Според кинескиот календар оваа 2015-та година е година на дрвото, па Фенг шуи стручњаците советуваат почесто да ги носите овие 5 бои за поголема среќа:

1. Зелена

Зелената е боја на обновената свежа енергија и новите почетоци. Зелената ги смирува нервите и го балансира целото тело. Исто така, важно е да имате барем неколку различни нијанси на зелена за ефектот да биде повпечатлив.

2. Кафена

Кафената има хранлива енергија и е поврзана со темната чоколада, кафето и прехрасното махагони дрво. За подобро расположение облечете повеќе кафени тонови.

3. Сина

Сините тонови од нежни, па до индиго нијанси се поврзани со ведрото небо и освежувањето. Затоа, кога и да ви биде потребна мала пауза од секојдневието и поголема ведрина, облечете нешто сино на себе.

4. Црна

Црната е боја на мистерија и префинетост. Таа ја штити личната енергија, па со нејзина употреба секој изглед добива дефиниција и моќ.

5. Земјени тонови

Тука спаѓаат кремастите тонови, топло сивите и бојата на глина. Можете да ги носите како додатоци за подобар ефект.