Генијалец! Продал картон од јајца за 1.000 динари

На аукцискиот сајт Limundo вчера заврши лицитацијата на „лимитираниот“ необичен кулер, а продавачот доби неверојатни 1.010 динари. Тој го продал картонот за јајца со тврдење дека е подеднакво функционален како кулерите со вентилатор.

Овој креативен кулер дури има и име - Јелено, а продавачот понудил и соодветно објаснување за името на самиот сајт.

Описот кој стоел во самиот оглас бил следниов:

Поевтин нема.

Еколошки - нема ама баш никакво штетно зрачење.

Лесен - ќе уживате во леснотијата без разлика дали ќе го користите додека седите на фотелја или лежите на кревет.

Економичен - не бара никаква енергија, ниту USB приклучување.

Нема што да се расипе - А, ако некогаш се случи, нема ништо полесно од наоѓање нов.

Одговара на сите големини.

Можеби ви звучи неверојатно, но картонот од јајца добил 32 заинтересирани купувачи и понуди, па достигнал цена од 1.010 динари.