Што не смеете да правите и што мора да имате со вас кога температурите се под 0?
Овие совети ќе ви помогнат во следниот период, со оглед на најавените ниски температури и врнежи од снег. Прочитајте ги, не знаете кога ќе ви затребаат.
1. Никогаш не треба да ги триете смрзнатите раце и нозе со снег или било што друго, ниту пак да ставате жешка вода затоа што во спротивно ќе дојде до оштетување на кожата.
2. Потребно е што побрзо можете да ја соблечете мократа облека и да се загреете со слатки пијалаци.
3. Слоевитото облекување е секогаш потопло и попрепорачливо отколку еден единствен дебел џемпер.
4. Внимавајте обувките да не ве стегаат ако претерате со дебелината на чорапите, затоа што тогаш постигнувате спротивен ефект - ја сопирате циркулацијата и на тој начин нозете ви се постојано смрзнати.
5. Надворешниот слој од облеката треба да биде од материјал кој не пропушта ветар и влага.
6. Јакната треба да е затворена околу вратот, колковите и на ракавите за топлиот воздух да не излегува надвор. Добро е да имате и капуљача која ќе ја ставите над капата.
7. Секогаш бидете свртени со грб накај ветерот, а не со градите и лицето. Задолжително ставете капуљача, а рацете топлете ги во џеб.
8. Потребно е секогаш да имате нешто слатко со вас или ако е возможно термос со сладок пијалак.
9. Ниските температури многу побрзо ја испразнуваат батеријата, па затоа попаметно е телефонот да го чувате во внатрешен џеб, отколку во надворешен.