Вака ме учеше мојата баба: Домаќински совети кои вреди да ги послушате

Ако мислевте дека некои совети од вашите баби се бесмислени, размислете подобро. Понекогаш, наједноставните и најобични трикови даваат совршени резултати.

Еве што научив од мојата баба изминативе неколку децении, а би требало и вие:

- Домашните билки не се само украс во домот, туку и филтри за воздухот. Тие ќе внесат свежина во просторот, а најдобар избор се фикусот, палмата, кучуковото дрво и филадендрон.

- Кога ќе ви кажат дека стаклото најдобро се чисти со хартија, верувајте им. Хартијата и весниците се направени од густи влакна кои имаат голема моќ на впивање.

- За да ги дезинфицирате сунѓерите, најдобро е да ги загреете. Ставете ги неколку минути во рерна или микро печка на највисока температура и ослободете се од бактериите кои се собираат со денови и недели.

- Мастиката најлесно ќе ја отстраните со путер од кикирики. Не е важно на што се наоѓа, доволно е ткаенината или предметот да го премачкате со путер од кикирики, да почекате неколку минути и безболно да ја отстраните гумата за џвакање.

- Ако имате дупки во тепихот најлесно ќе ги пополните со коцки мраз. Иако звучи апсурдно, обидете се. Ставете коцка мраз на местото, оставете ја да се растопи а потоа со виљушка расчешлајте ги влакната.

- Дупките од шајки најлесно ќе ги пополните со сапун, така што со кружни движења ќе ја поминете дупката додека не стане невидлива.

- Ако сакате побрзо да ја испеглате облеката, користете алуминиумска фолија. На тој начин топлината ќе се пренесе на двете страни од облеката.

- Ако имате гребаници на мебелот од дрво, тука ќе ви помогне оревот. Оштетениот дел поминете го со дел од орев, кој ќе ги пополни сите неправилности.