Во оваа продавница подот исчезнува и мора да се искачувате по ѕидовите

Ако сте од оние кои ги сакаат екстремните спортови, ја купуваат целата спортска опрема и постојано сметаат дека се подготвени за нова авантура, проверете го овој предизвик.

Во една спортска продавница во Кореја, купувачите се соочиле со фантастичната идеја на брендот „The North Face“ и јужнокорејската агенција „Never Stop Exploring“.

Додека тие ги разгледуваат и избираат моделите на нови јакни, наеднаш подот под нив почнува да се повлекува, а тие, немајќи каде да застанат мора да почнат да се качуваат.

На едниот ѕид каде што има поставено држачи како оние на вештачките карпи за искачување се придржуваат додека подот не се повлече целосно.

Откако се качуваат, забележуваат дека под подот всушност се крие огромен душек со воздух, кој ги обезбедува во случај да паднат.

Но, тогаш следува уште поголем предизвик.

Наеднаш од плафонот се спушта некој од најновите модели на јакни и почнува да одбројува време од 30 секунди, кога купувачите треба да скокнат и да ја фатат јакната.

Доколку ја фатат може да биде нивна.

Оригинална идеја и фантастичен предизвик кој мора да го погледнете: