4 начини на кои можете да ги исчистите трагите од пот

И сами знаете колку пати на маицата ви остана жолта дамка од пот, која никако не се вади дури и по перењето во машина.

Ако секојдневно се борите со белите и жолти флеки од пот, ова се 4-те идеални решенија со чија помош ќе се ослободите од нив уште денес.

1. На местата на кои имате флеки од пот, ставете сода бикарбона разредена со малку вода, во вид на паста. Смесата истријте ја со четка, а потоа оставете ја половина час. Исперете ја облеката на вообичаен начин.

2. Исцедете сок од лимон и помешајте го со вода во сооднос 1:1. Ставете ја течноста на дамката и оставете ја да отстои 10 минути. Измијте го местото со млака вода, па исперете на стандарден начин.

3. Помешајте вотка и вода со сооднос 1:1 и ставете ја течноста во шишенце со распрскувач. Пропрскајте ја флеката и оставете ја да отстои најмалку половина час. Потоа исперете.

4. Во борбата со флеките од пот може да ви помогне и алкохолниот оцет. Помешајте го со вода во сооднос 1:1, па натопете ги местата со оваа течност. Нека отстои 15 минути, пред да ја исперете облеката.

Доколку не сте задоволни од резултатите, постапките секогаш можете да ги повторите.