Знаете ли зошто во цртаните на Дизни никогаш не се појавуваат мајки?

Без оглед на тоа дали имате дечиња или не, сигурно сте изгледале барем еден од многубројните цртани на Дизни во кои доброто го победува секое зло.

Но, дали забележавте дека во ниту еден од овие цртани мајките немаат важни улоги?

Don Hahn, извршниот продуцент на хит филмот Maleficent со Анџелина Џоли во главната улога, во најновото интервју за магазинот Glamour откри дека постојат најмалку 2 причини зошто мајките не се појавуваат во цртаните на Дизни.

Првата, како што тој вели, е затоа што цртаните траат од 80 до 90 минути, а во нив најчесто се работи за растењето на детето, за моментот кога детето сфаќа дека самото мора да преземе одговорност.

Еден од примерите е цртанот Кралот Лав во кој Симба си заминува од дома, но се враќа како би го спасил домот. Во тој процес нема премногу простор за родителите, затоа што ликот мора да порасне.

Втората причина која ја наведува Hahn е трагичната смрт на мајката на Волт Дизни, па се смета дека оваа улога е често избегнувана од лични причини.

Мајката на Волт Дизни починала во куќата која тој им ја купил на родителите, па затоа што никогаш не зборувал за оваа трагедија, очигледно таа се одразила врз неговата работа.