Очите ве откриваат: Црните зрачат со страст, сините со спонтаност, а зелените со харизма

Можеби бојата на очите се добива по генетски пат, но одамна постои и верувањето за поврзаноста на бојата со личноста.

Па, и ако ги анализирате луѓето може да забележите некои заеднички точки помеѓу сите оние кои имаат кафени, сини или зелени очи. Не се секогаш исти, но навистина некои зрачат со страст, позитива или заводливост.

Проверете ги некои од најзначајните карактеристики според бојата на вашите очи или оние на партнерот.

Црни очи

Иако, реално не постојат целосно црни очи, оние кои имаат темно кафени се сметаат за такви. Темпераментни се, хиперактивни и полни со страст. Секогаш се предадени на она што го прават или она што го сакаат, натпреварувачки се настроени и сакаат да привлечат внимание. Се опишуваат и како таинствени и тешко заљубливи. Маана им е нетрпеливоста.

Сини очи

Интензивна боја која се поврзува со небото, енергијата и рационалното размислување. Овие луѓе се сметаат за лесно достапни, шармантни и пријателски настроени. Покрај тоа, многу се спонтани, подготвени се да испробаат сè и да се развијат како личности. Маана им е зборливоста, нетактичноста и брзоплетоста.

Кафени очи

Богата боја која се поврзува со енергијата на земјата, креативноста, упорноста и плодноста. Најмногу луѓе има со кафени очи и за нив важи тоа дека се емпатични, независни и верни. Кафената боја претставува и силен сексуален нагон, желба за дружење и екстровертност. Материјалните работи не им се многу важни како положбата во друштвото, Маана им е чувствителното его.

Сиви очи

Сивите прилично ретко се среќаваат, а симболизираат мудрост и цврст карактер. Луѓето со ваква боја на очи се родени водачи кои можат да најдат решение за сè. Лесно се приспособливи, смирени се и големи љубители на природата. Имаат рационален став во животот, верни се и склони на долги врски. Маана им е емотивната чувствителност.

Зелени очи

Зелената боја симболизира харизма, иновативност, младост и здравје. Луѓето со зелени очи се опишуваат како љубители на авантури и секакви врсти на задоволство во животот. Добри говорници се, снаодливи во друштво и ретко се осамени. Страсни љубовници се, но и во љубовта се понекогаш превртливи, па ни самите не знаат што сакаат. Маана им е тврдоглавоста и љубомората.