Фитнес запросување: Во здраво тело, здрав дух и вистинска љубов (видео)

Уште еден пример за тоа дека не се знае каде може да ја сретнеш вистинската љубов и какво изненадување може да ти се случи. Во навидум обичен ден и стандарден тренинг 80 луѓе чувале една голема тајна од само една личност.

Момчето JP и неговата девојка Аманда се запознале за време на еден тренинг. Не ни помислувале дека може толку многу да се поврзат, да бидат слични или речиси исти. Толку многу што дури и речениците еден на друг си ги довршувале. Она што него го освоило на прв поглед била нејзината дива и темпераментна природа.

Тој го испланирал изненадувањето и успеал да договори 80 луѓе со кои вежбаат, по 7 минути да легнат и да останат во таа положба, а само тој и Аманда ќе бидат станати.

Во тој момент почнала планираната песна, која веќе е стандардна за ваквите случувања, „Marry me“ од Бруно Марс, по што сè станува јасно.

Тој почнува да изведува смешна кореографија,а таа има измешани реакции со солзи и насмевки. Но, најважниот одговор, сепак е „Да“!

Погледнете како изгледа ова фитнес запросување: