11 токсични работи кои треба да престанете да си ги кажувате (ви штетат според психолозите)

„Премногу сум стар/а“ е верување кое ги држи луѓето заробени во страв. Луѓето започнуваат нови кариери, следат нови пасии и градат нови односи во сите фази од животот. Единствената вистинска граница е верувањето дека не можете.

Дали и вие на самите себеси некогаш си кажувате токсични работи и се лажете дека нешто не можете?

Психолозите велат дека самозалажувањето може да доведе до ниска самодоверба, да го попречи личниот развој и дури да ги наруши нашите односи со другите.

Лаги кои треба да престанете да си ги кажувате:

„Ќе бидам среќен/а кога ќе постигнам...“

Иронично, но дури и кога ќе го постигнете „тоа нешто“, може да откриете дека сепак не сте среќни.

„Кога среќата постојано зависи од ‘следното нешто’, таа станува недостижна. Овој начин на размислување може да доведе до хронично незадоволство, каде што дури и значајните достигнувања не носат вистинска радост,“ вели д-р Џоел Франк, психолог од „Duality Psychological Services“.

„Јас сум единствениот/та кој/a...“

Тука спаѓаат изјави како: „Јас сум единствениот што се чувствува вака“, „Јас сум единствениот што го прави ова“ или „Јас сум единствениот што мисли вака“.

„Оваа лага е една од најштетните бидејќи создава срам и изолација“, објаснува д-р Крег Каин, лиценциран психолог.

„Работејќи со многу клиенти низ годините, можам да ве уверам дека никој не е толку уникатен. Безброј пати сум слушнал клиент да ми каже дека никој друг не направил нешто што тој направил, само за да ми каже нешто што претходно ми го споделил друг клиент“.

„Не заслужувам љубов или среќа“

Д-р Франк вели дека оваа мисла е честа кај луѓето со ниска самодоверба.

„Ова верување ги поткопува односите и самогрижата, бидејќи луѓето почнуваат да саботираат можности за љубов или исполнување, мислејќи дека не се достојни за тоа“ објаснува тој.

Со текот на времето, овој начин на размислување може да доведе до осаменост, токсични односи и емоционална нестабилност.

„Сите други си го имаат средено животот, освен јас“

Социјалните мрежи прават оваа лага да звучи уште поверодостојно. Но, не заборавајте, повеќето објави на Инстаграм се само „најдобрите моменти“.

„Во реалноста, повеќето луѓе се соочуваат со свои несигурности и предизвици – само што не ги споделуваат јавно,“ вели психологот Ернесто Лира де ла Роса.

„Она низ што минувам не може да се спореди со тешката судбина на… затоа не треба да се чувствувам вака“

Д-р Каин предупредува дека оваа мисла ја поништува важноста на вашите чувства.

„Многу клиенти ми споделуваат трауматски искуства, а потоа веднаш си велат дека не треба да се чувствуваат лошо, бидејќи некој друг минува низ полошо,“ вели тој.

„Сепак, секое искуство е субјективно и валидно. Траумата не е ‘или-или’ ситуација – сите може да бидеме повредени“.

Продолжува на следната страница...