На врвот на славата се повлече од актерството, денес е заводник со проседа коса - Се сеќавате на Нејтан од One Tree Hill?

Ако ја гледавте серијата One Tree Hill, тогаш или бевте тим Лукас или тим Нејтан. Се сеќавате ли на Џејмс Лаферти, кој го глумеше Нејтан, а по кој лудуваа тинејџерките од цел свет?

Џејмс Лаферти (39) се прослави во серијата One Tree Hill во 2000-тите, кога ја доби улогата на проблематичниот кошаркар Нејтан Скот.

Ова и денес е најпопуларната улога на американскиот актер.

Тој во меѓувреме ја стави глумата во втор план, а повеќе се посвети на режирање и продуцирање филмови и серии.

Оттогаш нема забележителни улоги.

Се сеќавате ли на Нејтан (Џејмс Лаферти), најголемиот сопарник на Лукас (Чад Мајкл Мари) во One Tree Hill?

Џејмс ја почна актерската кариера како дете, а веќе како тинејџер имаше неколку впечатливи улоги во телевизиски серии и филмови.

Но, кариерата му тргна нагоре кога ја доби улогата на Нејтан Скот во 2003 година.

Тој глумеше талентиран кошаркар и бунтовен син во семејството Скот, чии односи со неговиот полубрат Лукас (го игра Чад Мајкл Мари) и сопругата Хејли (Бетани Џој Ленц) беа клучни за заплетот на серијата.

Неговиот лик доживеа неверојатен развој, па од арогантен тинејџер Нејтан се претвори во зрел семеен човек и татко за пример.

Лаферти покажа дека е исклучително талентиран актер, особено кога ги снимаше емотивно тешките сцени во кои неговиот лик се соочуваше со предизвиците во семејството, бракот и професионалната кошаркарска кариера.

Тоа, но и фактот дека е исклучително шармантен, го направија Џејмс еден од омилените ликови на тинејџерките од целиот свет.

Освен што глумеше во серијата, Џејмс режираше и неколку епизоди од One Tree Hill, со што се покажа како исклучително талентиран човек во повеќе области.

Тој остана да глуми во серијата до нејзиниот крај, во 2012 година, но потоа се повлече од Холивуд.

Одбиваше бројни актерски проекти за сметка на режијата и продуцирањето, па со неговиот колега Стивен Колети, тој ја создаде серијата Everyone Is Doing Great, која ги истражува предизвиците на поранешните тинејџерски телевизиски ѕвезди.

И иако во сите овие години се трудеше да го држи во тајност приватниот живот, се запозна со актерката Александра Парк, откри дека е заљубен и почна да споделува нивни заеднички фотографии.

Парот се венча во мај 2022 година и оттогаш дури и снимаат заедно.

Голем дел од своето време Џејмс го посветува на хуманитарни иницијативи и често учествува во спортски настани за да собере средства за различни добротворни цели.

Продолжува на следната страница...