Изберете една фотографија и дознајте што ве очекува во јули

Фотографија 1 – Бубамара на цвет

Зад оваа фотографија се крие симболиката на картата Царица во таротот. За вас ова ќе биде месец на создавање.

Царицата ја симболизира плодноста, но и секаков вид на создавање и продуктивност. Затоа, можете да очекувате многу активности и акција во текот на овој месец.

Ќе имате многу енергија, ќе се грижите за другите, ќе можете да извршувате неколку работи одеднаш и ќе бидете добро организирани.

Ако ја следите симболиката на картата одблизу, тогаш можете да очекувате да се родат некои нови идеи овој месец.

Сигурно ќе бидат добри и важно е тоа да не остане само во главата - туку да направите некои конкретни потези за да ги реализирате. Пред вас е плоден месец!

Фотографија број 2 – Лик на жена

Зад оваа фотографија се крие симболиката на тарот картата Умереност, што значи дека пред вас е месец на усогласување.

Делува како да имате премногу обврски, а ви недостигаат баланс и рамнотежа во животот.

Во текот на овој месец ќе мора да се справите со тоа за да живеете поопуштено и помирно.

Ќе треба да направите и некои компромиси за да достигнете „златна средина“ во вашиот живот.

Месецот пред вас е напорен, но тоа е единствениот начин да создадете подобра иднина за себе и за вашите најблиски.

Фотографија број 3 – Шарени камчиња

Зад оваа слика се крие симболиката на тарот картата Правда, а за вас доаѓа месец во кој ќе балансирате.

Постигнувањето правилен баланс во животот е сложен процес и бара постојана работа.

Месецов ќе решите некоја недовршена работа или конечно ќе се соочите со себе.

Некои од вас би можеле да влезат во сериозна љубовна врска, а некои конечно да решат некој судски процес.

Многу вистини би можеле да излезат на виделина во текот на месецот, па затоа јули е важен месец за вас. Бидете искрени и храбри.

А. Ј. | Црнобело