Утринска јога, учење на еднаквост - Елитното училиште во кое ќе оди принцезата Шарлот за 23.000 долари
- Детали
- четврток, 30 мај 2019
Ги учат децата на еднаквост наместо да ги охрабруваат да имаат неколку најдобри пријатели, имаат утринска јога и го добиваат најдоброто образование кое може да се купи со пари – вака го опишуваат училиштето во кое принцезата Шарлот ќе почне да оди од септември.
Кензингтонсакта палата потврди дека принцезата Шарлот од септември 2019 ќе му се придружи на принцот Џорџ во приватното училиште Thomas's Battersea.
Училиштето во кое ќе оди принцезата Шарлот чини 23.000 долари годишно, а го опишуваат како големо и малку хаотично, погодно за родители од високата класа кои сакаат да им го дадат на децата најдоброто англиско образование кое може да се купи со пари.
„Среќни сме што војводата и војвотката од Кембриџ одлучија принцезата Шарлот да му се придружи на нејзиниот постар брат, принцот Џорџ во Thomas's Battersea. Со нетрпение чекаме да ѝ посакаме добредојде неа и на сите останати ученици во септември.“ – изјавил директорот на училиштето.
Елитното училиште е уникатно и има многу необични предмети, вклучувајќи и утринска јога за децата од 4 до 13 години.
Во училиштето се става голем акцент на вистинските вредности и најважно правило е да се биде љубезен, како и да се стекне доверба и децата да научат да даваат, а не да земаат.
Она што е контроверзно и привлекува посебно внимание е тоа што училиштето ги обесхрабрува децата кога станува збор за стекнување најдобри пријатели, бидејќи сметаат дека сите деца треба да се третираат еднакво.
Иако училиштето е далеку од домот на Кејт и Вилијам, сепак според нив е најдобро и немаат проблем сами да ги носат децата, како што досега правеле со принцот Џорџ.
Принцот Вилијам честопати може да се забележи како го остава синот на училиште, а според изворите, тој е многу љубезен, комуникативен и активно работи со останатите родители откако ќе ги остават децата.
М. М. | Црнобело
Би можело да ве интересира:
Препорачуваме
Најчитани неделава
