Најлудите теории за изневерувањето на Тристан и љубовниот триаголник со Клое и најдобрата другарка на Кајли

Детали

петок, 22 февруари 2019

Дали семејството го измисли скандалот бидејќи Клое има ново момче, или пак, познатата „мамаџерка“ Крис Џенес, пуштила тајно уште една лажна информација во јавност за да го сврти фокусот кон семејството - не е познато. 

Накратко, по второто јавно неверство на Тристан Томпсон, со Џордин Вудс, која е другарка на Кајли Џенер, Клоe Кардашијан реши да се раздели од него засекогаш.

Љубовните животи на сестрите Кардашијан и Џенер привлекуваат внимание веќе 15 сезони, колку што трае реалното шоу, а се чини дека од драми во тоа семејство никогаш не е доста.

Сепак, фановите имаат неколку теории што всушност се крие зад последниот скандал во ова семејство:

Можеби неверството не се случило

Како што бременоста на Кајли се криеше до самиот крај, овојпат се случува сосема спротивното. Според повеќе уредници на таблоиди, можно е ова воопшто да не се случило, а да се користи само за медиумско внимание, што води до следната теорија.

Сето ова е план на Крис Џенер

Познатата „мамаџерка“ можеби сето ова го измислила, бидејќи во неколку наврати се покажало дека таа е блискиот извор на семејството кој ги открива скандалозните информации. А, малку повеќе публицитет пред почетокот на 16-тата сезона воопшто нема да им наштети.

Не е Џордин, туку некоја што личи на нејзе

Постојат и такви шпекулации кои велат дека всушност се работи за сосема друга девојка со сличен стил како оној на Џордин. Оваа теорија уште повеќе ја подгрева фактот дека Џордин се нема изјаснето околу скандалот и изгледа прилично мирна и тивка како за некоја која го предала семејството на најдобрата другарка.

Клое има нова љубов

За да може да се внесе новата љубов на Клое во приказната, мора да се избрише старата. Неколку фанови на социјалните мрежи споделија дека мислат дека Клое има нов дечко и дека всушност е во добри односи со таткото на нејзината ќерка, но дека мора да биде тргнат од целокупната слика.

Е. Д. | Црнобело