Елизабет Тејлор се омажила и развела двапати од истиот човек – кои славни имаат најмногу разводи?

Детали

недела, 25 ноември 2018

Славата не ве прави имуни на сите проблеми со кои се соочуваат обичните луѓе. И ѕвездите како и останатите смртници се вљубуваат и престануваат да се сакаат, по што следува непријатниот развод.

Но, за разлика од нас, разводите кај ѕвездите се многу позаплеткани, со повеќе работи за поделба на списокот и секако – под будното око на јавноста.

Кои ѕвезди водат на листата со најмногу разводи?

Мартин Скорсезе

Разведен – 4 пати

Американскиот актер, режисер, продуцент и сценарист се оженил дури 5 пати, од кои 4 бракови завршиле со развод.

Во моментов е женет со Хелен Морис, а има 3 деца од 3 различни бракови (од првиот, вториот и последниот брак).

Били Боб Торнтон

Разведен – 5 пати

Торнтон се оженил дури 6 пати, а првите 5 бракови биле неуспешни. Неговата прва жена била Мелиса Ли Гејтлин, а петтата – Анџелина Џоли. Били Боб и Анџелина се разведоа во 2003 година.

Во 2014 година, на 59-годишна возраст Торнтон се ожени по шести пат.

Даниел Стил

Разведена – 5 пати

Нејзиното богатство се проценува над 375 милиони долари, а нејзините книги се преведени на повеќе од 70 јазици во светски рамки.

Колку што е успешна во професионалниот живот, толку е несреќна во љубовта. Даниел Стил се има разведено 5 пати, има 7 дечиња, а во моментов не е омажена.

Лери Кинг

Разведен – 6 пати

Кралот на интервјуата Лери Кинг се оженил, верувале или не, 8 пати досега, од кои брои 6 разводи и еден поништен брак.

Во моментов живее со својата осма жена, Шон Саутвик со која се оженил во 1997 година. Очигледно третата среќа во неговиот случај се покажала како осма.

Елизабет Тејлор

Разведена – 7 пати

Британско-американската актерка се омажила 8 пати, а се развела 7 пати. Нејзиниот трет маж Мајкл Тод загинал во авионска несреќа, додека од последниот Лери Фортенски се развела во 1996 година.

Интересно е што Тејлор се омажила дури 2 пати со актерот Ричард Бартон, првиот брак во периодот од 1964-1974 и вториот од 1975-1976 кој траел само една година.

Лана Тарнер

Разведена – 7 пати

Мажена исто како и Елизабет Тејлор – 8 пати, од кои Тарнер има 7 разводи и еден поништен брак. Првиот брак го склучила на само 20 години, а сите после него биле исто така неуспешни.

Починала во 1995 година на 75-годишна возраст.

(О)Милена | Црнобело