Џоли се плаши за децата, Aнистон мрази лажни фотки: Зошто големите ѕвезди немаат Инстаграм?

Детали

четврток, 13 септември 2018

Ако сте корисник на популарната социјална мрежа, веројатно сте забележале дека дел од најпознатите имиња на денешницата не поседуваат лични профили.

Додека мноштво млади пејачки, старлети, манекенки и модни инфлуенсерки се натпреваруваат за што поголем број следбеници и лајкови на Инстаграм, постојат и славни личности на кои не им паѓа на памет да се експонираат на ваков начин. Особено холивудските глумци и глумици.

Првите вртат огромни суми на пари од популарната социјална мрежа, заработувајќи илјадници долари со објавите на личните профили, а вторите не се подготвени да го направат тоа по ниeдна цена. И сите имаат свои мотиви поради кои се противат на идејата.

Ова се дел од големите ѕвезди кои немаат Инстаграм:

Кира Најтли

Холивудската глумица отворено признава дека го „мрази“ интернетот.

„Мислам дека е погрешно што луѓето без престан ја проверуваат електронската пошта, или, пак, своите профили на социјалните мрежи.“

Кира Најтли нема профил на ниту една социјална мрежа, вклучувајќи го и Инстаграм.

Мила Кунис

Мила Кунис и Ештон Кучер се еден од најубавите парови во Холивуд. А, во изјавата за медиумите, понежната половина ја откри причината зошто водат „офлајн живот“.

„Ештон беше мошне популарен на социјалните мрежи. Сакаше да им се доближи на луѓето. Меѓутоа, сѐ некако се сврте на негативната страна. Надвладеа бесот и омразата – и тоа веќе не е шега.“

Сега сопругот ретко објавува фотографии, додека таа воопшто нема профил. Деталите за нивната интима им се познати на фановите, само од ретките интервјуа што ги даваат, или, пак, папараците.

Бредли Купер

Ни колегата на славната двојка нема сопствен профил на мрежата. Бредли Купер ја објасни ваквата позиција исклучиво од професионални интереси.

„Можеби сум старомоден, но ми се чини дека луѓето не би требало да го знаат глумецот, туку само неговите улоги. Мора да заборават кој е во вистинскиот живот.“

За разлика од саканиот, манекенката Ирина Шајк речиси секојдневно го ажурира Инстаграм, споделувајќи тазе фотки.

Продолжува на следната страна...