Алкохолизам, разводи и афери со стриптизети: Темната страна на актерите од „Пријатели“

Детали

вторник, 14 август 2018

Метју Пери пати од панкреатитис долги години, а имаше и тешка борба со дрогата, Џенифер Анистон никако да најде постојан партнер, додека Мет ЛеБланк си го уништи бракот со афера со стриптизета.

Темната страна на секој од „Пријателите“ во нивниот приватен живот:

Метју Пери

Во 1997-ма година, 3 години по почетокот на снимањето на Пријатели, Метју Пери имал несреќа при скијање, по што докторот му препишал апчиња против болка. Неколку месеци подоцна, станал зависен од нив.

На рехабилитација беше во 1997-ма година, 2001-ва и 2011-та.

Во меѓувреме, преголемото консумирање на алкохол го довело до панкреатитис. Имало периоди кога паралелно ги пиел апчињата против болка со чиста вотка.

По сите овие здравствени компликации, Метју се соочи со финансиска криза.

Џенифер Анистон

Џенифер Анистон важи за една од најнесреќните актерки на поле љубов. По болното разделување од Бред Пит, кој ја изневери и остави заради Анџелина Џоли, заврши и нејзиниот брак со Џастин Теру, со кој беше 7 години заедно.

„Никој не знае колку повредени можеме да бидеме и јас и мојот партнер. Никој не може ни да помисли што сум искусила психички и ментално,“ гласеше една нејзина изјава за Вог.

Дејвид Швимер

Дејвид Швимер стапи во брак во 2010-та година, фотографка од Англија, која е 18 години помлада од него. Со неа има едно дете, ќерка, која се роди во 2011-та година.

Но, веќе една година парот не живее заедно. Немаат поднесено документи за развод и не се дефинираат како разделени, едноставно се на „пауза“ на која само растат дете заедно.

Кортни Кокс

Актерката раскина веридба со музичар од Ирска и има 14-годишна ќерка Коко која постојано се жали на комплетна контрола од страна на нејзината мајка.

Кортни во неколку наврати призна дека лудото забавување со нејзиното момче ја оддалечило од ќерката, но сето тоа е минато.

Мет ЛеБланк

Мет беше во складен брак, сè додека не се прочу за неговата афера со стриптизета, за која сопругата не можеше да му прости и побара развод.

Од бракот има една ќерка, на која ѝ е дијагностициран задоцнет развој и епилепсија. За среќа, актерот ѝ посветува многу време.

Мет исто така имаше повеќе неуспешни обиди за враќање на филмското платно, па дури и за снимање на негово лично шоу, кое беше неславно прекинато.

Лиза Кудроу

Лиза, која ја имаше најоткачената улога во Пријатели, е една од најстабилните во приватноста. Во брак е од 1995-та година, кој ѝ е првиот и единствен маж во животот, како што таа тврди. 3 години по венчавката, парот доби син.

М. Д. | Црнобело