Емотивната исповед на Деми Ловато за менталното здравје и борбата со алкохолот

Детали

понеделник, 19 март 2018

Пејачката комплетно ја разголи душата за да им помогне на оние кои како и таа имаат проблем со зависностите и менталното здравје.

Деми Ловато има само 25 години, а веќе слави 6 години трезност.

Пејачката за време на еден настап проговори за борбата со алкохолот и дрогата и пријавувањето на рехабилитација во 2010 година.

Нејзината борба е опишана во документарецот „Simply Complicated“.

„Пред 6 години пиев вотка од шише Спрајт во 9 часот наутро, повраќајќи во автомобилот. И само размислував - ова веќе не е слатко, ова веќе не е забавно и јас сум иста како татко ми. Па, затоа го земав животот во свои раце и си кажав дека нешто мора да се направи, дека мора да се отрезнам и го сторив тоа.“

„Направив промени во животот и причината зошто ја раскажувам мојата приказна е затоа што знам дека има луѓе кои мора да побараат помош и јас сакам да знаат дека тоа е сосема Ок.

Да ја поткренеме свесноста и за менталното здравје. Ок е да имаш проблеми со менталното здравје, Ок е да имаш проблеми со некоја зависност.

Јас сум биполарна. Но, се грижам за себе и ви благодарам на сите за поддршката што ми ја дававте во текот на годините и што ми простивте за грешките. Ви благодарам што бевте дел од спасувањето на мојот живот.“

С. С. | Црнобело