Детали за смртта на ѕвездата (39) од Gossip Girl: Компликации по трансплантација на црн дроб, се борела со алкохолизам

Детали

четврток, 27 февруари 2025

Иако не е официјално потврдено, извори блиски до Мишел Трахтенберг велат дека по битката со алкохолизмот, 39-годишната актерка имала потреба од трансплантација на црн дроб. И, веројатно смртта е поради компликации од операцијата.

Вчера (26.02) почина актерката Мишел Трахтенберг, најпозната по улогите во Gossip Girl и Buffy the Vampire Slayer.

39-годишната актерка била пронајдена мртва во нејзиниот дом, наводно од нејзината мајка.

Со трагичната вест беше соопштено и дека смртта веројатно настапила природно, а потоа американските медиуми открија дека таа имала сериозни здравствени проблеми кои ги криела од јавноста.

Според извор близок до семејството, состојбата на актерката билa значително влошена во последните денови од животот.

„Психички беше ’падната‘ и имаше проблеми со здравјето. На пријателите им кажа дека има проблеми.

Беше многу болна и со најблиските отворено зборуваше за нејзината мака. Изгледаше многу бледо, многу слабо“, вели изворот за магазинот People.

За Daily Mail, се огласи партнерот на Мишел, кој изјави дека нејзиното семејство не планира да ја коментира трагедијата.

Тој додаде и дека актерката била сама дома кога починала, па засега не е сигурно дали навистина била пронајдена од мајка ѝ како што известија медиумите непосредно по смртта.

Неколку детали за животот на актерката:

Мишел е родена во 1985 година во Њујорк, а ја почнала кариерата во забавната индустрија уште во детството.

Првпат се појавила во реклама на само 3-годишна возраст и во наредните неколку години снимила над 100 реклами.

Првата улога во серија ја добила во 1991-ва, во епизода од хит-серијата Law & Order.

Потоа Мишел доби значајна улога во серијата Buffy the Vampire Slayer, која се емитуваше од 1997 до 2003 година.

За време на снимањето, се зближи со Сара Мишел Гелар, која ја има главната улога во серијата, и нивното пријателство траеше со години.

Актерката истакна и дека Сара ѝ помогналa да ја добие улогата.

Дефинитивно најмногу се прослави со улогата на Џорџина во Gossip Girl – серија која беше огромен хит и кај нас.

Низ годините, таа имаше улоги во помали филмови и серии, но сепак беше доста активна во филмската индустрија.

Првите шпекулации дека можеби има некаков проблем со здравјето се појавија изминативе неколку години.

Продолжува на следната страница...