Ламборџини го претстави Aventador LP 700-4 Roadster

Ламборџини го претстави најновиот член од семејството на суперавтомобили, неверојатно убавиот Aventador LP700-4 Roadster – кабриолет верзија на вториот најпродаван нивни суперавтомобил.

Покривот е дводелен и е изработен од јаглеродни влакна кои придонесуваат да тежи едвај 6 килограми, а многу е лесен за склопување, кое се прави рачно.

Се разбира, Ламборџини се погрижиле никако да не ги промени перформансите на автомобилот, па затоа и тука под хаубата се најде 6,5-литарскиот V12 ѕвер од 700 КС комбиниран со седум степен менувач со една спојка.

Оваа комбинација придонесува за прелетување до 100-ка за точно 3 секунди и максимална брзина од „само“ 350 км/ч.

Ламборџини изјави дека оваа верзија ќе чини, ситно, 300.000 евра плус данок.