Мартина од Битола ја посети Аргентина: „Носат бебиња на фудбалски натпревари, ја запознав ќерката на Марадона“

Имаше ли можност да комуницираш со локалното население? Какви беа тие?

Аргентина ја посетив токму поради пријателите кои живеат таму.

Тоа се луѓе полни со позитивна енергија, со голема желба за живот и да одат напред без разлика на економијата таму.

Секогаш се спремни да помогнат и имаат многу љубов кон земјата, иако многумина сонуваат да заминат само поради несигурност и сиромаштија.

Тие секогаш сакаат да ти раскажуваат за нивниот фудбалски клуб, веруваат во хороскоп, сакаат драми посебно меѓу познатите, често го коментираат приватниот живот на фудбалерите.

Суеверни се и имаат обичај да гледаат натпревар со истите луѓе или да ја носат истата блуза која ја имале на себе кога победила Аргентина или нивниот клуб, зашто мислат дека тоа пак ќе им донесе победа.

Проба ли традиционална храна, некој специјалитет што го нема кај нас? Или некој пијалак специфичен за тоа поднебје?

Да јадев и локална храна. Типичен специјалитет за нив е миланеса, а тоа е и омилената храна на Меси.

Ова јадење се состои од месо (пилешко или телешко) кое се пржи во презла, па му ставаат јајца, салца, салама и кашкавал.

Исто така ми се допаѓаат и емпанадас - еден вид лепчиња со мелено месо и пиперки.

Од благо, специјалитет е дулсе де лече - тоа е топена карамела, која ја јадат често за појадок заедно со кроасан.

Кај Аргентинците има големо влијание од Италија, па тие имаат и прекрасни пици и сладолед.

Многу се познати по нивното месо, кое е со голем квалитет. Имав шанса да пробам скара и стварно можам да кажам дека тоа е најдобро месо што сум го пробала.

Од пијалаците би го издвоила фернет - тоа е нешто како вино што се меша со кока кола и мраз.

Многу е познат и аргентинскиот чај мате.

Дали имаше некоја непријатна ситуација, имајќи предвид дека земјата е позната по криминал, џепчии, измамници?

За среќа, немав непријатна ситуација. Пред да одам имав малку страв поради тоа, но сè беше како што треба. Се чувствував безбедно цело време.

Навечер се движев само онаму каде што има луѓе, низ центар, и постојано внимавав на моите лични работи.

Аргентинците препорачуваат да се пази многу во метрото и да не се оди по мали улици каде што нема многу луѓе.

Каков е градскиот превоз, дали е добро организиран, имајќи предвид дека Буенос Аирес е милионски град? Како се движеше низ градот?

Превозот е добро организиран - има метро и автобуси. Јас избрав да се движам со автобус зашто се чувствував посигурно.

Таму во моментов е лето, па во метрото е и многу жешко.

Цените на автобусите и метрото се движат околу 50 центи во правец, тоа не е многу скапо.

Ако некој сака да оди во Аргентина, кои се твоите препораки - што мора да види или проба, а што не?

Буенос Аирес е град што мора да се посети и ако одат таму би им препорачала да изгледаат барем еден фудбалски натпревар од некој локален клуб, да изгледаат една театарска претстава на главната улица Кориентес, а од храна да пробаат сè што имаат можност - посебно скара.

Единствено што не би го правела лично јас и не го препорачувам никому е да се капат во реките во Буенос Аирес. Некои го прават ама водата е загадена.

Погледнете повеќе фотографии во галеријата:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело