5 работи кои може да ги правите дома, додека надвор е пекол жешко

Кога температурите ќе се зголемат над 30-иот степен, желбата за било каква активност надвор од дома како да опаѓа.

Но, тоа не значи дека треба да се затворите дома и половина ден да гледате во екранот на мобилниот телефон.

Има најмалку 5 работи кои може да ги правите дома, под клима, додека надвор е неподносливо топло:

Подготовка на ладен сос од домати

Во блендер ставете неколку убаво исчистени домати заедно со малку лук, зачини, маслиново масло и сол и мешајте додека не добиете ладен сос. Потоа подгответе си тестенини со него или некое друго јадење по желба.

Натпреварувајте се

Вклучете натпреварувачки дух дури и за најсекојдневните обврски. Поставете си временски рок за одреден број на обврски (пример, во текот на наредниот 1 час треба да промените постелнина, да ги навадите сите цвеќиња и да ги пребришете сите кујнски апарати) па потоа наградете се, доколку успеете да направите сè.

Маратон со документарни филмови

Наместо да гледате акции или романтични комедии, пуштете некој документарец и научете нешто ново.

Посветете се на домашната градина

Купете ѓубриво, нови украсни садови и интересни додатоци за цвеќињата, па преуредете го катчето зеленило.

Средете ги шкафчињата и фиоките

Топлите денови се вистинско време да потсредите по дома, посебно деловите во кои постојано ги фрлате ситниците.

М. Д. | Црнобело