Зошто Јапонците се опседнати со носење на хируршки маски?

Во јапонските градови секојдневие е глетката на луѓе со маски. Маските се носат првенствено од здравствени причини, но сè почесто и како моден додаток.

Во Јапонија производството на хируршки маски стана милионски бизнис. Јапонците сè почесто носат маски, а покрај загаденоста на воздухот, постојат уште низа причини за тоа.

Маските се евтини, лесни за употреба и првпат се појавија на пазарот за широка употреба во 2003 година.

Тие полека дури се претворија во модни додатоци, па на некои од нив има и модни логоа.

Причини зошто Јапонците се опседнати со носење на хируршки маски:

Некои ги носат кога се болни за да не шират бактерии.

Некои ги носат кога се здрави за да не се заразат од бактериите што ги шират другите.

Некои ги носат за да се заштитат од поленот, кој им предизвикува алергии.

Некои едноставно сакаат да поминат незабележано и да немаат социјална интеракција.

Некои не сакаат да се шминкаат тој ден, а едновремено не сакаат природното лице да ѝ го покажат на јавноста.

Некои си го топлат лицето на овој начин во зимските месеци.

Некои се штитат од честичките во загадениот воздух.

Некои се штитат од сувиот воздух во авионите. Носењето маска им ја одржува влажна носната шуплина.

Некои ги носат како моден додаток. На дел од маските има принтови од анимирани ликови и ги има во разни бои.

С. С. | Црнобело