7 најдосадни гости кои присуствуваат на речиси секоја свадба

Свадбите претставуваат големи прослави на кои среќаваме огромен број на познаници, но и такви кои што во животот ги немаме видено никогаш или барем не повеќе од еднаш.

Желбата за да присуствуваме на ваков настан во најголем број од случаите е правопропорционално поврзана со тоа колку сме блиски со младенците или нивните родители.

Токму од ова зависи и како ги доживуваме, како се однесуваме и колку добро си поминуваме на ваквиот тип на церемонии.

Сепак, факт е дека на секоја свадба има барем неколку ликови кои константно не вадат од кожа и едноставно не можеме, но и не сакаме да го разбереме нивното однесување.

Да погледнеме кои се тие:

Невестaта и младоженецот сѐ уште не влегле во салата, а тој веќе почнал да се налева. Ваквиот тип на гости се токму оние кои оддаваат впечаток на луѓе кои не излегуваат многу често од дома, па свадбите ги користат како места каде ќе може да се испијанат на туѓа сметка.

Младоженецот и невестата ви се другари од детството, знаете сѐ во врска со нив, но не и овој човек. „Странецот“ е тип на личност кој е многу близок со некој од младенците, но не доволно за да се излегува со него.

Ова е најчесто подалечна тетка на некој од младенците или блиска сосетка. Таа едноставно мора да знае сѐ, од тоа како сте се запознале, до начинот на кој ви ја донеле поканата за свадба. Едноставно нема шанса да се спасите од овој разговор со неа.

Овој тип на луѓе не се големи фанови на играњето, а најчесто не се ни којзнае колку блиски роднини или пријатели на младенците. Кај нив најдобро може да се препознае таканаречениот „Што ќе речат луѓето“ синдром, и тие се присутни затоа што мора да бидат таму. Од оваа причина одлучуваат времето да го поминат во квалитетно јадење и не се помрднуваат од масата.

Тука се и таквите што се „убиваат“ од играње. Во оваа категорија може да влезат: неизживеаниот роднина кој се фрла на колена и игра со вратоврската врзана на глава, другарите што одат на часови по танц – играат во двојка и мислат дека се дојдени на натпревар за танцување, пијаните другарки на невестата кои не знаат како поинаку да привлечат внимание, а во одредени случаи и зетот и невестата кои имаат смислено кореографија на секоја песна од репертоарот.

Најдобро е да се молите да не ве седнат на иста маса.

Свадбите се одлични места за започнување на романтична врска... или грубо речено за да „легнете нешто“. Во ваков филм особено влегуваат кумот и старосватицата, секако доколку се сингл, и уште од самиот старт почнуваат да се закачкаат со муабети од стилот дека сега се дел од една фамилија.

С. У. | Црнобело