Пцости и неартикулирани звуци: Дали навистина зборуваме во сон?

Да слушате некого како зборува во сон може да биде доста смешно, но ако сте вие тие кои зборуваат во сон, често се плашите дека може да издадете некоја своја чувана тајна.

Неретко се случува оние кои зборуваат во сон да бидат обземени од параноја во однос на тоа што кажале, дали навредиле некого и колку јасно другите го чуле кажаното.

Вистината е дека често во сон може да кажеме нешто не баш пријатно за слушање, како што се пцовки и вулгарни зборови, кои не се упатени на оние кои се физички присутни во истата соба, туку кон случувањата во сонот.

Спроведен е експеримент на 232 лица од кои 129 имале проблеми со спиење, а 87 месечареле или имале кошмари.

Тие неколку ноќи биле снимани, по што е констатирано дека генерално се работи за неартикулирани звуци, но кога треба да се опцуе или каже нешто вулгарно, тогаш тоа јасно се слуша.

Она што е утеха е дека кога зборуваме во сон, ако се изземат неартикулираните звуци, тоа го правиме граматички и лексички исправно, со точен редослед на зборовите во реченицата. Разликата е само што во сон можеби и не сме толку фини како кога сме будни.

Па, по сѐ изгледа навистина имаме причина да бидеме загрижени.

С. У. | Црнобело