Кога пиете алкохол танцувате најубаво

Дали и вие кога ќе испиете некоја чашка алкохол повеќе се чувствувате како диско крал/кралица на подиумот?

Поголемиот дел од луѓето се чувствуваат некомфорно кога трезни танцуваат на некоја забава. На диско подиумот со кисела вода и лимон како да не можете да ги покажете вашите најдобри потези.

Но, тоа не е резултат на вашите лоши вештини, туку на срамот што потекнува од фактот дека ве гледаат многу луѓе.

Едно неодамнешно истражување покажа дека ситуацијата е сосема поинаква кога пиете алкохол. Истражувачкиот тим на The Times откри дека луѓето најдобро танцуваат кога имаат испиено неколку чашки алкохол.

Во ова истражување учествувале 55 луѓе кои играле игра со танцување на Xbox, која ги наградувала за добро ископираните танц потези. Се водело евиденција која личност колку алкохол испила во текот на вечерта и како танцувала.

Резултатот бил дека додека не пиеле алкохол натпреварувачите добиле просечно 4.400 поени на Xbox, а по шестата чашка алкохол тие имале просек од 6.200 поени. Но, кога претерале со алкохолот поените паднале на 4.000.

Доктор Дејвид Нат вели дека алкохолот ја отстранува социјалната непријатност и затоа луѓето подобро танцуваат кога се малку пијани.

С. С. | Црнобело