Закачување панталони, положба на спиење: 8 работи кои секојдневно ги правите погрешно

Во секојдневието многу често ни се случува да правиме некои работи потсвесно кои се станати дел од нашата рутина.

Но, многу од тие работи се погрешни и ги правиме неправилно, без разлика дали се работи за банални или посериозни ситуации.

Од погрешно држење на воланот, до погрешно спиење, погледнете кои се 8-те работи кои многумина ги прават погрешно.

Сигурно ќе се пронајдете во некои од нив:

Држење волан

Важно е да знаете правилно да го држите воланот од автомобилот за да спречите било какви проблеми и повреди при несреќи. Најбезбедно е да ги држите рацете на средина, како на фотографијата.

Позиција на тоалетната школка

Секогаш треба да пуштате вода со затворен капак од шолјата ако не сакате бактериите да се разлетаат низ целa бања и предметите во неа. Секојпат кога пуштате вода водата се меша со малите бактерии и ги шири низ воздухот.

Најдобро време за ставање дезодоранс

Најмалку ефективен период за ставање антиперспирант е наутро после туширање. Со оглед на тоа што потењето е најсилно во овој период, дезодорансот ќе исчезне.

Најдобро е да ставите пред спиење кога кожата е сува и потните жлезди не се активни.

Кашлање

Секогаш сме учеле дека кога кашламе и киваме треба да ги ставиме дланките на устата, но ова е изгледа погрешно. Вирусите се шират преку допир, па така доколку кивнете или се искашлате во рака, потоа тоа ќе се пренесе на пари, на кваки и на сите работи кои ќе ги допрете пред да се измиете.

Наместо тоа, користете ја внатрешната страна на лактот или ракавот за да го намалите ширењето бактерии.

Чистење бактерии

Не губете време на стругање на вашиот блендер, кога може да се исчисти само за неколку секунди. Ставете во него вода, сјај за садови и пуштете да блендира.

Позиција на спиење

Можеби уживате да спиете на стомак, но таа позиција ги криви грбот и кичмата. Тоа може да предизвика болка во други делови на телото и ова ќе резултира со помалку сон и умор во текот на денот.

Потпирачи за тастатура

Избегнувајте да ги користите „потпирачите“ за подигање на тастатурата кои се наоѓаат под неа, бидејќи тоа може да предизвика болка во зглобовите заради неприродната положба.

Закачување на панталони

Кога во брзање сакате да ги извадите панталоните од закачалка, нешто што најмалку сакате да се случи е да се уништат при влечењето. Затоа земете картон од голем бришач за раце и намотајте го околу закачалката, па одозгора закачете ги панталоните.

М. М. | Црнобело