Тиква, цимет, јаболко: Внесете мирис на есен во вашиот дом

Да, тажно е што летото полека завршува, но и есента е прекрасно годишно време кое нуди многу задоволства во кои повеќето уживаат.

На пример, многу луѓе се одлучуваат да патуваат во есен, бидејќи таа и дава посебен изглед на природата и уште многу други причини заради кои патувањата се поубави во ова годишно време.

Освен тоа, една од подобрите работи за есента се мирисите кои преовладуваат – тиква, цимет, јаболка, па и зимница.

Ако и вие уживате во нив, исполнете го вашиот дом со мирис на есен:

Сварете есенски мирис

Направете мешавина на мириси од јаболка, цимет и каранфилче и загрејте ги во вода, а потоа прекрасен мирис ќе се рашири низ целиот дом.

Природен ароматизер

Закачете на една лента сушени парчиња портокал, ловорови ливчиња и стапчиња цимет – освен што ќе дадат совршен мирис, ќе изгледаат и многу декоративно обесени во дневната соба.

Испечете јаболка

Испечете цели јаболка по традиционален рецепт и додадете по желба житарици или јаткасти плодови – мирисот на јаболка ќе се рашири низ домот, а потоа можете слатко да ги изедете.

Додадете зрна кафе во свеќниците

Поставете неколку свеќи во стаклени свеќници и околу нив истурете зрна кафе – совршен мирис за љубителите на кафе и есен.

Сушено овошје и зачини

Исушете ги омилените овошја и билки и ставете ги во еден декоративен сад на масата со додатоци како јаткасти плодови.

Мирис на тиква

Секако, есента нема да биде целосна без домот да ви замириса на тиква. Испечете пита со тиква или сварете само тиква – ќе уживате истовремено во нејзиниот вкус и аромата која ќе се прошири низ домот.

Исто така можете да најдете свеќа со мирис на тиква.

М. М. | Црнобело