Вкусни, сочни и неодоливи: 7-те „нај“ бургери во светот
Речиси и да нема некој што не сака бургери во секаков облик. Со мелено месо, пилешко, свинско, или пак, вегетаријански, бургерите се едни од најпопуларните јадења во светот.
Сите знаеме дека не треба да ги јадеме често бидејќи се калорични, но одвреме-навреме убаво е да си го дозволиме ова вкусно задоволство.
Постојат најразлични бургери со различни цени и вкусови, а Independent ги одбра најпознатите во светот и зошто се толку популарни:
Најскап бургер - Fleur, Лас Вегас
Овој легендарен бургер е направен од мелено говедско месо и тартуфи и чини 5.000 долари.
Највкусен бургер – Patty and Bun, Лондон
Сите бургери од овој ланец на ресторани за брза храна се вкусни, но според многумина, највкусниот е Smokey Robinson, во кој има говедско месо, кашкавал, патлиџан, марула, лук, сланина и сос.
Најконтроверзен бургер – In-n-Out, Калифорнија
Ова е најпопуларниот бургер во Лос Анџелес, а тајната се состои во свежите состојки. Понекогаш, наместо земички, готвачите користат листови марула.
Најфенси бургер – Five Guys, на повеќе места во светот
Five Guys е прогласен за најпопуларен ланец на ресторани за брза храна во Британија, каде состојките се секогаш свежи, а секој посетител може да стави неограничено количество на додатоци и сосови во бургерите и да ги „дотера“ по своја мерка.
Омилен меѓу вистинските познавачи на бургерите – Au Cheval, Чикаго
Au Cheval нуди обични и двојни чизбургери, а се направени од меко и сочно месо во комбинација со растопен кашкавал, јајца, сланина и други додатоци.
Највкусен вегетаријански – Bill’s halloumi burger – Лондон
Без оглед на тоа што нема месо, овој бургер содржи вкусни состојки како што се црвена пиперка на скара, халуми сирење на скара, хумус и чили сос.
https://www.instagram.com/p/BT6YBfHDsIJ/
Најпосебен – Dip and Flip, Лондон
Овој ресторан ги прави бургерите од јунешко и јагнешко месо, а познат е по тоа што секој гостин си одбира точно каков сака да му биде бургерот и што да содржи, па секој бургер е посебен.
Постои ли наш бургер кој би го додале на листата?
М. В. | Црнобело
Би можело да ве интересира:
Препорачуваме
Најчитани неделава
