Што се случува со телото ако го удри молња?

Шансите да бидете погодени од молња се 1 во милион. Сепак, тие постојат.

Но, што кога ќе се случи тоа? Кои се последиците и што треба да правите?

Неколку факти за молњата:

• Молњата е електрична искра (празнење) која се движи помеѓу два облака или меѓу облак и површината на Земјата.
• На годишно ниво има околу 25 милиони молњи кои се движат од облак до земја.
• Удар од молња може да надмине волтажа и од милијарда волти и да достигне температура од 27.000⁰С.

Кога молњата ќе погоди во човек, еве што може да очекувате:

• Директните удари се најчесто смртоносни, но само 10% од луѓето кои ги погодува молња умираат веднаш.
• Ако молњата не го убие човекот веднаш, сепак постои ризик од смрт поради срцев удар.
• Респираторен арест и напади се исто така честа појава.

Дури и ако човекот некако ги преживее сите овие работи, сепак може да се очекуваат изгореници од трет степен на телото. Исто така можно е да се појават лузни познати како „Лихтенбергови фигури“.

Секој метал што човекот го носи – часовник или колан, ќе се загрее премногу и ќе остави изгореници.

Со оглед на тоа што молњата го загрева воздухот исто колку и експлозија, може да се очекува и ударен бран кој може да ги пукне ушните тапанчиња и да ја искине облеката.

После некое време од преживувањето на ударот, може да се очекуваат хронични главоболки, мускулни контракции, хронична болка на одредени делови од телото и различни психички компликации.

Нема правило, но постои можност, доколку човекот има среќа и ги надмине сите овие работи, да се опорави по само неколку месеци.

М. М. | Црнобело