Моќта на сестринската врска: Две сестри се породиле на ист ден и во исто време

Две сестри, Кори и Кејти, дознале дека се бремени отприлика во истиот период. Тоа што се породиле на ист ден и во исто време секако не било планирано, туку случајно.

Тие цел живот биле многу блиски, па сакале и нивните деца да ја имаат истата врска како нив, но не очекувале вакво нешто. За едната сестра ова е трето дете, а за другата второ.

Првично, Кори требало да се породи две недели по Кејти, но на денот кога Кејти имала закажан царски рез, Кори добила породилни болки и отишла во истата болница.

Додека биле бремени, направиле и заедничка фото-сесија за спомен од овој прекрасен период од нивните животи.

Кори и Кејти се надеваат дека и нивните ќеркички ќе имаат иста сестринска врска како нив, иако не се сестри, туку први братучетки.

М. В. | Црнобело