8 работи за кои сите сме слушнале, но никогаш не сме ги виделе

Има многу зборови и работи кои често ги слушаме од повозрасните, на вести или пак на предавања, но не сме сигурни како всушност тие изгледаат.

Дури се случува и самите да ги користиме, но иако делумно знаеме за што служат, сепак не можеме да си ги замислиме и визуелизираме тие нешта во реалноста.

Затоа ние ќе се обидеме барем овие 8 работи да ви ги донесеме поблиску и да имате идеа како изгледаат, доколку досега не знаевте:

Црната кутија

Парадоксално, црната кутија во денешно време е портокалова. Постојат неколку различни верзии за тоа од каде го добила ова име:

• Првите уреди за снимање во авион биле црни и правоаголни
• Поради нивната мистичност – нивната содржина останува тајна за речиси сите
• Првите уреди за снимање биле покриени со црни саѓи по рушењето на авионот

ДНК

Речиси секој знае како изгледаат познатите ДНК спирали. Но, малку луѓе знаат дека можат да бидат видени и со голо око поради должината на молекулата.

За да се направи тоа, мора да се направи одреден експеримент. ДНК-та ќе се претвори во нишки кои можат да се намотаат околу камен или да се исушат во влакнеста супстанца како оваа на фотографијата.

Мастодонт

Мастодонтите биле огромни волнени животни со масивно тело и заби. Овие „џинови“ живееле на нашата планета дури и пред мамутите.

Всушност, тие многу наликувале на мамутите, па лаиците лесно може да ги помешаат овие 2 животни.

Гибралтар

Гибралтар е британска прекуморска територија сместена на најјужната точка од Пиринејскиот Полуостров, која се граничи со Шпанија.

Ова е интересно место за кое сигурно сте слушнале, но сепак не сте го виделе. Парче земја од само 6,8 км2 каде можете да зборувате англиски, да платите во фунти и да ја видите Африка зад Гибралтарскиот Проток.

Гибралтар е исто така единственото место во Европа каде што живеат мајмуни во шумата.

Биткоини

Да бидеме поточни, биткоините не изгледаат никако, бидејќи тие се дигитална валута која нема физички еквивалент.

Но, од 2011-та, компанијата Casascius Bitcoin Mint издава „биткоини во кеш“. Овие пари имаат адреса и клуч скриен во холограм.

Овие токени и картички се користат за уплаќања во готово.

Опашка на слон

Кога ќе се спомене опашка на слон, многумина замислуваат нешто тенко и незабележливо.

Но, изгледа дека опашката на слонот е покриена со долги и дебели влакна кои наликуваат на четка. Африканците ги користат овие влакна за да направат нараквици.

Голем хадронски судирач

Најголемиот и највисокоенергетскиот забрзувач на честички во светот се наоѓа близу Женева, на границата со Швајцарија и Франција. Не може да се види одозгора бидејќи е под земја.

Судирачот е сместен во тунел со обиколка од 27 км каде честичките се забрзуваат и судираат за да се види и следи нивното распаѓање на помали делови.

Лиценцирани производи на Adobe

Во случај некој да не ги видел (без навреда).

М. М. | Црнобело