Начинот на кој ви е уредена кујната го открива вашиот карактер

Кујната е срцето на секој дом. Тоа е место каде се подготвуваат вкусни оброци и се собира целото семејство и пријателите.

Класична, модерна, минималистичка или рустикална, секој дом  има различен тип на кујна, која е уредена на начин кој ги отсликува желбите на луѓето што живеат во него.  

Откријте кои карактерни црти ги открива начинот на којшто ви е уредена кујната.

Класична кујна

Класичните кујни никогаш не излегуваат од мода. Традиционални и елегантни, но не и здодевни, во нив сé е наредено како под конец, баш како што сте и вие: методични и организирани.

Модерна кујна

Кујна која е уредена според моменталните светски трендови. Опремена со сите потребни уреди, со интересни материјали и уникатни детали. Љубителите на модерни кујни се во чекор со најновата технологија. Шармантни се и обожаваат да експериментираат во готвењето за себе и своите најблиски.

Минималистичка кујна

Кујна со чисти линии и без непотребни детали, каде преовладуваат една до две бои најмногу. Оваа кујна го има само најпотребното и најважното и иако делува ладно, има убав амбиент.

Љубителите на минималистички кујни се штедливи и не сакаат да трошат пари на непотребни работи, како што е облека. Се фокусираат главно на практичната страна на животот.

Рустикална кујна

Кујна која изгледа малку старовремски е избор на релаксирани и позитивни личности. Вам поважно ви е храната да е вкусна и подготвена со љубов, отколку да има машина за садови или најновиот модел на микробранова печка. Носталгични сте и ги почитувате традиционалните вредности.

Обрнувате внимание на деталите, па во вашата кујна може да се најдат уникатни прибори за јадење купени од некое патување.

М. В. | Црнобело